Hay Mayrer

Non Governmental Organization


Զգուշացեք կեղծ բարերարներից | "Հայ մայրեր" ՀԿ նախագահի կոչը հանրությանը

20 Jun, 2017 | News

Հարգելի հայրենակիցիներ, մենք ահազանգեր ենք ստանում այն մասին, որ անհայտ անձիք զանգահարում են տարբեր մարդկանց տներ և, ներկայանալով “Հայ մայրեր” բարեգործական ՀԿ անունից, փորձում են գումար խնդրել անհայտ երեխայի բուժման համար։ Մենք երբևէ չենք կատարել, չենք կատարում և չենք կատարելու զանգեր գումար խնդրելու նպատակով։ Այդ մարդիկ ներկայանում են շատերի կողմից ճանաչված կազմակերպության անունից և օգտվում են դրանից, որպեսզի շահեն ձեր վստահությունը և իրենց անձնական նպատակներով գումարներ ստանան։ Եթե դուք նման զանգեր եք ստացել, խնդրում ենք հայտնել այդ մասին ոստիկանությանը կամ մեզ՝ զանգահարելով 055 13 11 91, որպեսզի միասին գտնենք այդ մարդկանց և փորձենք դադարեցնել այս ամենը։

Մենք խստիվ դատապարտում ենք նման ստոր արարքները և բոլորիդ կոչ անում ուշադիր լինել և չհավատալ անհայտ մարդկանց, որոնք փորձում են ձեզանից գումար կորզել հեռախոսով կամ դրսում։ Միշտ ստուգեք, հարցեր տվեք, պահանջեք հեռախոսահամարներ, հաշվետվություն, որ չխաբվեք։

Խնդրում ենք կիսվել այս տեսանյութով և պատմել ձեր բոլոր ծանոթներին, ընկերներին, բարեկամներին կեղծ բարերարների մասին, որպեսզի միասին կարողանանք վերջ դնել այս երևույթին։